حوار صحفي مع الكاتبة والشاعرة نورا رجب

 كما عودناك عزيزي القارئ في جريدة "رحلة كاتب "  التابعة لمبادرة TDI بشخصيات أبدعت في مجالها واليوم شخصيتنا ارتبط اسمها بالنجاح والإنجازات وسوف نقوم بالتعرف عليها بين هذه السطور.

الاسم/ نورا رجب يونس 

السن/ 17 

محافظتك/ المنيا 

موهبتك/ الكتابه " شعر.. روايات.. إلخ "

وهنا سوف نقوم بالبدأ في حوارنا.

نتمنى لكم قراءة مثمرة. 

س1/كيف كانت بدايتك في هذا المجال؟ 

ج/ كنت متحمسه جددا  والحمد لله لا زال الحماس موجود وان شاء الله مش هينتهي أبدا

س2/ هل تقبل الإنتقاد أم لا؟  

ج/ أكيد بقبله.... لان الإنسان بطبيعته مش كل حاجه بتعجبه ف لازم الإنسان ميدايقش من كلمة معجبتهوش او كلمه جرحته ولازم يتقبل كل شيء كان 

س3/ ماهي انجازاتك؟

ج/ شاركت ف أكتر من مبادره منهم مبادرة TDI ومن أجمل المبادرات الي شاركت فيها اصلا وشاركت ف كذا كيان كمان منهم كيان أريانا واكتر من مره الحمد لله كنت بحصل ع المركز الأول ف مسابقات الإرتجال وشهادات تقدير دا طبعا من فضل ربنا 

س4/من أكبر داعم ليك؟

ج/ الصراحه مش شخص واحد دا أكتر من حد يعني وكل الي حواليا بيدعموني الحمد لله 

س5/هل واجهتك صعوبات في المجال وكيف تخطيتها؟ 

ج/مش هقول مواجهنيش صعوبات لكن مكنتش بفكر ف اي حاجه تدايقني لان الانسان مادام فيه هدف قدامه وحلم حابب يوصله ويحققه مش بيفكر ف الصعوبات او المشاكل بالعكس بيحبها وبيحب يواجهها عشان يتعلم لان هوا عارف انه داخل طريق مش سهل ولازم يكمل فيه للآخر 

س6/ماهي خططك المستقبلة؟ 

ج/ بإذن ربي حابه ابقا كاتبة وشاعره ليها كيان مش لازم الكل يحبني المهم انا ابقا حابه الي وصلت ليه وراضيه بيه طبعا وحابه ان يبقا ليا كتب من تأليفي وتترجم للغات العالم كلها ان شاء الله 

س7/ نصيحة تود تقديمها لكل المقدمين على الإتجاه نحو تنمية هذه الموهبة.

ج/ لكل واحد حابب يمشي ف الطريق دا طبيعي طبيعي هتواجهه حاجات كتير مش لطيفه لكن طريقته ومواجهته ليها هيا الي هتفرق وان ميركزش مع كلام الناس السلبي ودايما يبقا باصص لقدام ودايما يبقا فخور بنفسه 

مهما وصل لمراتب حتي لو كانت قليلة او مش كبيره المهم هوا يحس بفرق

س8/هل تظن أن الموهبة وحدها تكفي للنجاح؟ 

ج/ من وجهة نظري طبعا الموهبه هيا الأساس حتي لو مدربتش او مقرتش كتب كفايه لان الموهبه بتبقا نابعه من جواك اكيد وممكن بموهبتك دي توصل لأماكن مكنتش تتخيلها المهم صدق نفسك وبسس

س9/كيف تتعامل مع موهبتك كي تنميها؟ 

ج/ بكتب كتير وببقا حابه كل حاجه بكتبها حتي لو الي حواليا معجبهمش ودايما حاطه ف بالي اني عايزه اوصل لهدفي واني لسه معملتش حاجه حتي لو وصلت لمليون حاجه مفيده بقول لنفسي لأ انا بردو لسه موصلتش انا حابه اعمل كذا وكذا 

س10/أهم صفات الكتابة من رأيك؟ 

ج/ الثقه ف النفس دي اهم صفه والكلام يبقا فعلا طالع من جواك مش كلام وخلاص بتقوله عشان تنال اعجاب حد 

وفي الختام نرجو أن نكون قد أسعدنا حضراتكم وأتمنى لهذه المؤسسة كل النجاح والتوفيق، فإنها مؤسسة تسعى إلى أن تكون قريبة من قلوب الشباب وتدعمهم في رحلتهم الإبداعية وتسعي لتوفير الفرص للشباب للتعبير عن أنفسهم وتحقيق طموحاتهم من خلال الكتابة..وأعتقد أن ذلك أرقى شيء يتم تقديمه للشباب الموهوب.

المحرر/ مصطفى علي السيد 

مؤسسة الجريدة / أحمد ابو خيرة