حوار صفحي مع الكاتبة والراسمه ولعبه الكاراتيه المبدعه/ ملك محمد

 كما عودناك عزيزي القارئ في "رحلة كاتب "  التابعة لمبادرة TDI بشخصيات أبدعت في مجالها واليوم شخصيتنا ارتبط اسمها بالنجاح والإنجازات وسوف نقوم بالتعرف عليها بين هذه السطور.

الاسم/ ملك محمد 

السن/ 16 سنه

محافظتك/ القاهرة

موهبتك/ الكتابة والرسم ولعب رياضة الكاراتيه 

وهنا سوف نقوم بالبدأ في حوارنا.

نتمنى لكم قراءة مثمرة. 

س1/كيف كانت بدايتك في هذا المجال؟ 

ج/ كانت الصراحه بداية غير متوقعة ومكنتش اتخيل ابدا اني هبدا في مجال الكتابة وان يكون في حد بيشجعني لكن توقعاتي كلها طلعت غلط لقيت ناس كتير بتشجعني مع انهم مكنوش يعرفوا اني بحب الكتابة انا من وانا صغيرة وانا بحب اقطع ورق من الكشكول واعمل كتاب واكتب قصه في صفحه وفي الصفحه التانيه ارسم وكنت ساعات برسم واكتب علي ورق نتيجة وطبعا انا لما لقيت ان في فرصة اكتب وقلت ليه مجربش وفعلا كانت احسن تجربة 

س2/ هل تقبل الإنتقاد أم لا؟  

ج/ هو طبعا مفيش حد بيحب ان حد ينتقده بس انا بقول ان لكل شخص حرية تعبير عن الرأي وانا بالنسبالي لما حد ميعحبةش حاجه انا عاملها انا مش بسمية انتقاد بسمية ابدا رأي وانا ببقي مبسوطه ان حد يفدني بحاجه انا عملها غلط

س3/ ماهي انجازاتك؟

ج/ طبعا عملت تلت كتب ورقيه وكتاب الكتروني وخدت دروع وجوائز تانيه من مجال الكتابة بس طبعا بره مجال الكتابة انا حاصله علي مدليات كتير في رياضة الكاراتيه ومعايا شاهده في الكشافة 

س4/من أكبر داعم ليك؟

ج/ طبعا عائلتي كلها بتدعمني مفيش حد مش بيدعمني سواء ماما وبابا او جداتي او جدو او خالتي او عمتو او عمو والي كل عائلتي 

س5/هل واجهتك صعوبات في المجال وكيف تخطيتها؟

ج/ طبعا مفيش حد مش بيواجه صعوبات في الحلم الي عاوز يوصله انا طبعا كنت بمر بي ضيق وقت يعني في الاجازه كان بيبقي ورايا تمرين وكنت ببقي مشاركة مثلا في كتاب ببقي حاية تعبانة فاكنت بحس اني في الوقت ده لما بكتب اني مش عندي افكار زياده فابحس اني مش عارفه اوصل اخساسي للكاتب وفي ايام الدراسه بيبقي فعلا صعب اتي اوفق بين الكتابة والنادي والدراسه بس طبعا لما حد بيقراء القصه الي عاملها واحس بالبهجه علي وششهم انا كل التعب الي مريت بيه بشيله من دماغي

س6/ماهي خططك المستقبلة؟ 

ج/ طبعا اني يكون ليا كتب اكتر واكتر والناس تكون بتستني كتبي ان شاء الله واحقق حلمي في الدراسة

س7/ نصيحة تود تقديمها لكل المقدمين على الإتجاه نحو تنمية هذه الموهبة.

ج/ أنهم يسعوا ويدوا المجال حقه علشان يلاقوا نتيجة في الاخر ويمشوا وراء حلمهم مهما كان صعب

س8/هل تظن أن الموهبة وحدها تكفي للنجاح؟ 

ج/ لا لو عندي الموهبة لي كده لازم انميها علشان ابقي احسن واحسن ولازم يكون عندي عزيمة وارده

س9/كيف تتعامل مع موهبتك كي تنميها؟ 

ج/ بقراء طبعا كتير بتوسع فكري اكتر وفي اي وقت فراغ بقعد اكتب افكار لكتب نفسي اكتبها وبقعد امرن نفسي اكتر

س10/أهم صفات الكتابة من رأيك؟ 

ج/ ان يكون الواحد صبور وعنده المشاعر الكافية الي يقدر يوصلها للقارئ 

وفي الختام نرجو أن نكون قد أسعدنا حضراتكم وأتمنى لهذه المؤسسة كل النجاح والتوفيق، فإنها مؤسسة تسعى إلى أن تكون قريبة من قلوب الشباب وتدعمهم في رحلتهم الإبداعية وتسعي لتوفير الفرص للشباب للتعبير عن أنفسهم وتحقيق طموحاتهم من خلال الكتابة..وأعتقد أن ذلك أرقى شيء يتم تقديمه للشباب الموهوب.

المحرر/ أحمد أبو خيره 

مؤسسة الجريدة / أحمد ابو خيرة